Eu, que andiven ledo, atento e namorado
os camiños do soño e do ensoño,
ando agora coas azas caídas, derrubadas;
vencido e derrotado polos foxos da vida.
Fan falla moitos millós de esperanza
para manter en alza tanta fe, tanta arela
fiel e inmaculada como a que ardía
no noso indomábel corazón de vinte anos.
Algo -ben se sabe o que- está en quebra.
¡Fai falla abrir un crédito!
¡Fai falla facer saldos de esperanza!
Remol (1970)
Ningún comentario:
Publicar un comentario