xoves, 25 de febreiro de 2016

Vizosa parella

A choiva cae silenciosa
sobor da terra calada
que, ao sentirse mollada,
se lle entrega garimosa.

A terra e a choiva son
unha parella exemplar,
pois ambas fan agromar
a flor e froito en sazón.

A terra pídelle á choiva
fertilidade e mornura
¡E a choiva, toda tenrura,
ponlle o seu veo de noiva!

Compendio de orballos e incertezas (1991)

Ningún comentario:

Publicar un comentario