Intenso alustre súbito e fugaz,
lóstrego feridor,
que rebenta como un xerme
bébedo de azul e claridade
perdéndose no serán
da nosa senlleira melancolía
atormentada.
Cavaliño do demo:
decoras, ilustras e iluminas
os meus ollos cansos e feridos.
Logo foxes. Pero déixasme
o teu fondo ronsel
de breves lonxanías imposíbeis.
Oráculos para cavaliños do demo (1986)
Ningún comentario:
Publicar un comentario