Esta peza, que esta noite soou en Rábade, foi musicada por Milladoiro no seu disco "Unha estrela por guía", xunto con outras composicións do autor de Outeiro de Rei:
A noite está no mundo e está en nós.
A noite é medo, terror e escuridade.
¡Temos que loitar coa noite como os bos
para implantar, no mundo, a claridade!
A noite reina no mundo omnipotente
e a súa boca de sombra quer tragarnos.
¡A noite está con nós eternamente
e temos que vencerla e que salvarnos!
Temos que ir da noite cara ao día.
Temos que vencer a tebra que nos come.
¡Temos que loitar con valentía
coa noite mortal que nos consome!
Hai que vencer a xeada e máis o frío
da noite infernal que nos habita.
¡Temos que rematar co arrepío
da noite inacabábel e maldita!
¡Temos que acabar coa noite escura
se non remataremos por morrer!
¡Temos que batirnos con bravura
e que sexa verdade o amencer!
Canciós do lusco ao fusco (1970)
Ningún comentario:
Publicar un comentario