domingo, 18 de setembro de 2016

Bosque de auga

Espadana delgada,
irmá do xunco,
espada fráxil:
non soñas, non
con guerras
ou batallas.
Unicamente queres
escoitar as aves,
amparar galiñoas,
parrulos e labancos.
Fraga mínima de agua,
pequeno bosque
onde cantan
e demoran os ventos
que rizan e agariman
as ondas da lagoa.

Poemas para dicirlles a dúas lagoas (1994)



Ningún comentario:

Publicar un comentario