Bolboreta
Bolboreta: vas, vés, volves
a ir e volves a fuxir
voando en círculo, indo,
vindo, voando de novo
e outra vez revoando
nun espazo reducido,
sempre arredor da luza
que te acena e chama
con fulgor irresistíbel,
coa súa chama mortal
que te aniquila,
¡ouh pequena, delicada,
fráxil bolboreta voadora:
don, oferenda, mensaxeira,
do deus dos intres fuxidíos!
A luz resucitada (1984)
Ningún comentario:
Publicar un comentario